-ລາວເອີຍ...
ຄັນເຈົ້າມີບຸນໄດ້ ໄປຢູ່ເມືອງອະເມຣິກາ
ເຈົ້າຢ່າລືມບ້ານນາ ບອ່ນເຄີຍຂີ່ຄວຍແລະຫຼົກກ້າ
-ນົກພາກຄູ່ ມັນຍັງຮອ້ງສຽງດັງ
ກາພາກຮັງ ມັນຍັງຮອ້ງສຽງກອ້ງ
ບາດວ່າອ້າຍພາກນອ້ງ ຄຳດຽວບໍ່ເອີ້ນສັ່ງ
ຄັນບໍ່ໄດ້ສັ່ງໄວ້ ໃຈນອ້ງແຫ່ງຫວ່ງນຳ ອ້າຍເອີຍ
-ໃຈບໍ່ຮັກມັກແລ້ວ ເວົ້າແມ່ນກໍ່ເປັນຜີດ
ໃຈບໍ່ເຄີຍຄິດນຳ ເວົ້າດີກໍ່ເປັນຮ້າຍ
ໃຈບໍ່ເຄີຍຫມາຍຫມັ້ນ ແສນຊີ່ອອຍກໍ່ປານດ່າ
ໃຈບໍ່ສັດທາຢູ່ແລ້ວ ເຮັດດີໃຫ້ກໍ່ບໍ່ເອົາ ເຈົ້າເອີຍ
-ລາວເອີຍ...ຄັນເຈົ້າມີແຟສບຸກໃຊ້ ສັງມາພີມພາສາໄທໃສ່
ພາສາລາວພີມຂໍ້ຄວາມກໍ່ໄດ້ ສັງຫັນໄປໃຊ້ແຕ່ໂຕໄທ...ແທ້ນໍ
-ເດີນທາງບໍ່ສຸດເສັ້ນ ຢ່າຖອຍຫຼັງໃຫ້ເຂົາຢຽບ
ຕາຍຂໍໃຫ້ຕາຍຫນ້າພຸ້ນ ເຂົາຈີ່ງເອີ້ນວ່າແມ່ນຄົນ...ເຈົ້າເອີຍ
-ຊາດທີ່ແນວນາມບົ້ງ ແປນໂຕກາຊີ່ຕອດ
ໃຫ້ເຈົ້າເຮັດດັ່ງມອ້ນ ໃຍຫຸ້ມຫໍ່ໂຕ...ໄວ້ເດີ
-ຄັນແມ່ນເຮັດດີແລ້ວ ໃຜຊີ່ຫຍັນກໍ່ຕາມຊ່າງ
ຄັນແມ່ນເຮັດຖືກແລ້ວ ຊີ່ຫຍັນຫຍໍ້ກໍ່ຊ່າງໃຜ...ເຈົ້າເອີຍ
-ລາວເອີຍ...
ຄັນເຈົ້າມີບຸນໄດ້ ໄປຢູ່ເມືອງອະເມຣິກາ
ເຈົ້າຢ່າລືມບ້ານນາ ບອ່ນເຄີຍຂີ່ຄວຍແລະຫຼົກກ້າ
No comments:
Post a Comment